Ájiniyaz atındaǵı Nókis mámleketlik pedagogikalıq institutında 1-kurs studentleri ushın Jaslar awqamı baslanǵısh shólkeminiń jumısları hám jaratılıp atırǵan imkaniyatlar haqqında maǵlıwmat beriw maqsetinde úgit-násiyat ushırasıwı shólkemlestirildi.

Ushırasıwda institut jaslar jetekshisi Erniyaz Qasımov studentler ushın ótkeriletuǵın tańlawlar hám joybarlarda belsene qatnasıw, óz qábilet hám baslamaların júzege shıǵarıw, sonday-aq, qollap-quwatlaw mexanizmleri haqqında keń túrde sóz etti.

Sonıń menen birge, jaslarda ekologiyalıq mádeniyattı jetilistiriw, tábiyat resurslarına juwapkerli qatnastı qáliplestiriwge baǵdarlanǵan «Suwdi birgelikte saqlaymız!», jaslardıń huqıqıy hám sociallıq belsendiligin arttırıwǵa xızmet etetuǵın «Jolawshı» sıyaqlı joybarlardıń mazmunı hám áhmiyeti, olarda qatnasıw imkaniyatları túsindirildi.

NMPI baspasóz xızmeti.