Ájiniyaz atındaǵı Nókis mámleketlik pedagogikalıq institutı Anıq pánler fakultetinde student-jaslar arasında kiberqáwipsizlikti támiyinlew, internet hám sociallıq tarmaqlardan qáwipsiz paydalanıw mádeniyatın qáliplestiriwge baǵdarlanǵan úgit-násiyat hám túsindiriw ushırasıwı shólkemlestirildi.

Ilajǵa Qaraqalpaqstan Respublikası Ishki isler ministrligi Kiberjınayatlarǵa qarsı gúresiw basqarmasınıń inspektorı A.Aljanov, aǵa inspektor J.Karimbaev, institut hayal-qızlar profilaktikalıq inspektorı M.Narımbetova, fakultet dekanınıń orınbasarı X.Esemuratov, tyutorlar hám 1-kurs studentleri qatnastı.

Ushırasıw dawamında studentlerge zamanagóy málimleme texnologiyalarınan qáwipsiz paydalanıw kórsetpelerine ámel etiw, jeke maǵlıwmatlardı qorǵaw, belgisiz siltemelerge kirmew, gúmanlı xabar hám fayllardı ashpaw, sonday-aq, túrli internet aldawshılarınan sergek bolıw boyınsha usınıslar berildi.

NMPI baspasóz xızmeti.