Ájiniyaz atındaǵı Nókis mámleketlik pedagogikalıq institutında «Birlesip, ullı tariyx jaratamız!» atamasındaǵı «Aǵartıwshılıq kárwanı» ilimiy-aǵartıwshılıq seminarı bolıp ótti.

Respublikalıq Ruwxıylıq hám aǵartıwshılıq orayı, Ózbekstan Máhálleleri awqamı, Jaslar isleri agentligi, Sociallıq-ruwxıy izertlewler institutı hám «Aǵartıwshılıq» úgit-násiyatshılar jámiyeti menen birgelikte shólkemlestirilgen seminarǵa elimizdiń belgili ziyalıları, jazıwshı hám shayırlar, ustaz pedagoglar, máhálleler, huqıq qorǵaw uyımlarınıń juwapker wákilleri, institut pedagog xızmetkerleri qatnastı.

Ilaj qatnasıwshıları dáslep instituttaǵı Ájiniyaz muzeyi menen tanıstı.

Seminar dawamında Respublikalıq Ruwxıylıq hám aǵartıwshılıq orayı juwaplı xızmetkeri Alisher Azimov, «Aǵartıwshılıq» úgit-násiyatshılar jámiyetiniń aǵzaları hám basqalar sózge shıǵıp, mámleketimiz basshısınıń ǵárezsizligimizdiń 35 jıllıǵına arnalǵan saltanatlı máresimdegi shıǵıp sóylegen sózinde alǵa qoyılǵan ideyalar jáne baslamalardı qatnasıwshılarǵa jetkerdi hám elimiz rawajlanıwınıń baslı baǵdarları haqqında úgit-násiyat jumısların alıp bardı.

NMPI baspasóz xızmeti.