Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov Pedagogika-psixologiya hám dóretiwshilik tálim fakultetiniń 1-kurs studentleri menen ushırasıp, jaqınnan sáwbetlesti.

«Bir Watan, bir xalıq bolıp, jańa turmıs hám keleshek qurayıq!» súreni tiykarında shólkemlestirilgen «Ǵárezsizlik sabaqları» hám «Tanıstırıw hápteligi» sheńberinde shólkemlestirilgen ushırasıwda studentlerdiń joqarı bilimlendiriwdegi dáslepki qádemleri, jańa oqıw ortalıǵına iykemlesiwi, oqıw procesindegi belsendiligi hám aldaǵı maqsetler haqqında pikir almasıldı.

Ilaj dawamında pedagoglıq kásibiniń jámiyetlik rawajlanıwdaǵı ornı hám jas áwlad tárbiyasındaǵı juwapkershiligi haqqında sóz etilip, búgingi student erteńgi kúnniń tájiriybeli hám pidayı pedagogi bolıwı kerekligi atap ótildi.

Sonday-aq, studentlerdi ilimiy-izertlew jumısları, ruwxıy-aǵartıwshılıq ilajlar, sport hám túrli sociallıq joybarlarda belsene qatnasıwǵa shaqırdı.

NMPI baspasóz xızmeti.