Ájiniyaz atındaǵı Nókis mámleketlik pedagogikalıq institutınıń Anıq pánler fakultetinde «Piyshembi – jaslar kúni» múnásibeti menen student-jaslar menen ashıq sáwbetlesiw shólkemlestirildi.

Ushırasıwda fakultet dekanı R.Jiyemuratov hám 1-kurs studentleri qatnasıp, jaslardıń bilim alıwı, fakultet turmısındaǵı belsendiligi, bos waqıtların mazmunlı shólkemlestiriw hám aldaǵı maqsetleri boyınsha pikir almasıldı.

Sáwbetlesiw dawamında studentlerdiń oqıw procesinde qatnasıwı, pánlerdi tereń ózlestiriw, ózbetinshe bilim alıw hám ilimiy izleniwlerge bolǵan qızıǵıwshılıǵın arttırıw máselelerine ayrıqsha itibar qaratıldı.

Sonday-aq, qábiletli jaslardı qollap-quwatlaw, olardıń baslamaların júzege shıǵarıw hám hár qıylı tańlaw, olimpiada hám joybarlarda belsene qatnasıwı áhmiyetli ekenligi atap ótildi.

NMPI baspasóz xızmeti.