Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Ayrıqsha jaǵdaylar basqarması xızmetkerleri qatnasıwında student-jaslar menen profilaktikalıq ushırasıw shólkemlestirildi.

Ilajda basqarmanıń málimleme xızmeti baslıǵı, mayor A.Abdiraxmanov, bólim baslıǵı, podpolkovnik N.Turekeev sózge shıǵıp, ayrıqsha jaǵdaylardıń aldın alıw, júzege keliwi múmkin bolǵan qáwip-qáterlerdi erte anıqlaw hám bunday jaǵdaylarda durıs háreket etiw qaǵıydaları haqqında tolıq maǵlıwmat berdi.

Qánigeler tárepinen órt qáwipsizligi, elektr úskenelerinen durıs paydalanıw, tábiyiy gaz hám basqa turmıslıq qurallar menen baylanıslı qáwipsizlik qaǵıydalarına ámel etiw, ásirese, gúz-qıs máwsiminde, záhárli gazden zıyanlanıwdıń aldın alıw boyınsha tiyisli kórsetpe hám usınıslar berildi.

Ushırasıw dawamında jaslardıń ómiri hám qáwipsizligin támiyinlew áhmiyetli ekenligi atap ótilip, qatnasıwshılardıń sorawlarına juwaplar berildi.

NMPI baspasóz xızmeti.