Xabarıńız bar, 2026-2027-oqıw jılınan Ájiniyaz atındaǵı Nókis mámleketlik pedagogikalıq institutında bakalavriattıń mektepke shekemgi tálim baǵdarı boyınsha dual bilimlendiriw forması jolǵa qoyıldı.

Oǵan mektepke shekemgi bilimlendiriw shólkemlerinde jumıs alıp barıp atırǵan orta arnawlı maǵlıwmatlı 400 den aslam pedagog kadrlar qabıl etildi.

Búgin, 12-sentyabr kúni institutta dual bilimlendiriw formasına qabıl etilgen pedagoglar ushın tanıstırıw sabaǵı shólkemlestirildi.

Ilajǵa Qaraqalpaqstan Respublikası Mektepke shekemgi hám mektep bilimlendiriwi ministrliginiń Pedagog kadrlardı tayarlaw hám kásiplik rawajlandırıw sektorınıń baslıǵı N.Aytmámbetov, instituttıń tiyisli bólim baslıqları, Mektepke shekemgi hám baslawısh tálim fakultetiniń juwapkerleri qatnastı.

Tanıstırıw sabaǵı dawamında dual bilimlendiriwdiń mazmunı hám áhmiyeti, onı shólkemlestiriw tártibi, oqıtıw procesiniń ózine tán tárepleri hám studentler ushın jaratılatuǵın imkaniyatlar haqqında tolıq maǵlıwmat berildi.

NMPI baspasóz xızmeti.