Ájiniyaz atındaǵı Nókis mámleketlik pedagogikalıq institutı qábiletli student-jaslardı qollap-quwatlaw, olardıń startap joybarǵa aylandırıw imkaniyatı joqarı bolǵan ideyaların saylap alıw hám qarjılandırıw maqsetinde «Eń innovaciyalıq ideya» respublikalıq tańlawınıń birinshi – institut basqıshı ótkeriletuǵınlıǵın járiyalaydı.

Tańlawǵa institutta bakalavriat tálim baǵdarları hám magistratura qánigeliklerinde oqıp atırǵan barlıq studentler qatnasıwı múmkin.

Tańlawda hár bir qatnasıwshı tómendegi baǵdarlar boyınsha tek ǵana bir joybar menen qatnasa aladı:

1) Sanlı texnologiyalar hám jasalma intellekt;

2) Finanslıq texnologiyalar;

3) Awıl xojalıǵı texnologiyaları;

4) Kiberqáwipsizlik;

5) Densawlıqtı saqlaw;

6) Farmacevtika;

7) Qorǵanıw hám qáwipsizlik;

8) Energiyanı únemlew;

9) Suw xojalıǵı texnologiyaları;

10) Bilimlendiriw hám ilim.

Tańlawdıń institut basqıshı jeńimpazları ulıwma muǵdarda tómendegishe grant qarjıları menen sıylıqlanadı:

1-orın – 50 million sum;

2-orın – 30 million sum;

3-orın – 20 million sum.

Respublikalıq basqıshta jeńimpaz dep tabılǵan ideyalar tómendegi muǵdarda qarjılandırıladı:

1-orın – 500 million sum;

2-orın – 300 million sum;

3-orın – 200 million sum.

Arzalar 2026-jıl 10-sentyabrden 10-oktyabrge shekem instituttıń ziyrek studentlerdiń ilimiy-izertlew jumısların shólkemlestiriw bóliminde qabıl etiledi.

Maǵlıwmat ushın telefon:

+998913878744

NMPI baspasóz xızmeti.