Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti súwretlew óneri hám injenerlik grafikası kafedrası tárepinen «Dóretiwshilik zawqı» atamasındaǵı ushırasıw shólkemlestirildi.

Ushırasıwǵa Nókis qánigelestirilgen mádeniyat mektebi súwretlew óneri bólimi basshısı Aybek Dáwletnazarov hám Qıtay Xalıq Respublikası Sian súwretlew óneri akademiyasınıń 3-kurs doktorantı, Ózbekstan dóretiwshiler awqamınıń aǵzası, xalıqaralıq «Turan» sıylıǵınıń laureatı, institut pitkeriwshisi Polatjan Abdireymov, sonday-aq, kafedra professor-oqıtıwshıları, súwretlew óneri hám injenerlik grafikası tálim baǵdarınıń studentleri qatnastı.

Ilaj dawamında belgili qılqálem iyeleri bolǵan xudojnikler studentlerge reńli súwret, grafika, kompoziciya hám dóretiwshilik izleniwler boyınsha tájiriybeleri menen bólisti.

Student-jaslar ózlerin qızıqtırǵan sorawlar menen múrájat etip, xudojniklerden ámeliy usınıslar aldı.