Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi tárepinen «Qalqan» jámiyetlik toparı aǵzalıǵına talabanlar menen sáwbet shólkemlestirildi.

Ilajda baslanǵısh shólkem jetekshisi Erniyaz Qasımov sózge shıǵıp, «Qalqan» jámiyetlik toparınıń tiykarǵı baǵdarları, topar aǵzalarınıń wazıypaları hám jámiyetlik qáwipsizlikti támiyinlew baǵdarındaǵı juwapkershiligi, aǵzalar ushın beriletuǵın imkaniyatlar, aldaǵı belgilengen maqsetler haqqında maǵlıwmat berdi.

Sáwbet dawamında baslanǵısh shólkem juwapkerleri tárepinen qatnasıwshılardıń jámiyetlik jumıslardaǵı belsendiligi, juwapkershilik sezimi, intakerligi, huqıqıy bilimleri hám hár qıylı jaǵdaylarda durıs sheshim qabıl ete alıw qábiletine itibar qaratıldı.

NMPI baspasóz xızmeti.