International Center for Biosaline Agriculture (ICBA) baslaması tiykarında, Abu-Dabi Rawajlanıw qorınıń (ADFD) qarjılay járdemi menen Innovaciyalıq rawajlanıw agentligi hám Nókis jaslar texnoparki tárepinen fermerler hám agro-isbilermenler ushın akselerator baǵdarlaması shólkemlestirildi.

Ilaj sheńberinde 200 den aslam qatnasıwshı tárepinen bazar talapları tiykarında tayarlanǵan joybarlar tanıstırıldı.

Quwanıshlısı, Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti biologiya tálim baǵdarınıń 4-kurs studenti Kúmisay Qızılbaeva akselerator baǵdarlamasında óziniń «Agro Market» joybarı menen qatnasıp, jeńimpazlar qatarınan orın aldı.

Ekspertler hám birge islesiwshi shólkemlerdiń wákilleri tárepinen jeńimpaz dep tabılǵan 10 joybarǵa sertifikat hám hár birine 3 million sumnan aqshalay sıylıq tapsırıldı.

NMPI baspasóz xızmeti.