Húrmetli Prezidentimizdiń 2022-jıl 31-avgusttaǵı 213-sanlı pármanı menen hár jılı Qaraqalpaqstan Respublikasında turaqlı jasaytuǵın hám ulıwma orta, orta arnawlı hám professional bilimlendiriw shólkemlerin tamamlaǵan jaslar ushın tólemli kontrakt tiykarında qosımsha kvotalar ajıratılıp kelinbekte.

Usı jılda da respublikamızdıń qala hám rayonları ushın zárúr bolǵan mamanlıqlar sanınan hám kadrlardıń ishki mútájliklerinen kelip shıǵıp, wálayatlardaǵı joqarı oqıw orınların tańlaǵan abiturientler ushın tólemli kontrakt tiykarında 6 500 qosımsha kvota ajıratıldı.

Álbette, qosımsha kvotalardıń ajıratılıwı bul respublikamız ushın zárúr bolǵan joqarı bilimge iye maman kadrlardı tayarlawda áhmiyetli bolıp, bul óz náwbetinde húrmetli Prezidentimizdiń qaraqalpaqstanlı jaslar ushın ayrıqsha jaratıp bergen imkaniyatlarınıń jáne bir kórinisi boldı, desek aljaspaǵan bolamız.

Qaraqalpaqstan Respublikası Joqarǵı Keńesiniń Málimleme xızmeti.