Qaraqalpaqstan Respublikasındaǵı qábiletli jaslardıń innovaciyalıq ideyaların qollap-quwatlaw maqsetinde ótkerilip atırǵan «Bolajaq alım» ilimiy ideyalar tańlawı boyınsha arzalar qabıllaw baslandı.

Tańlaw shártlerine bola, ilimiy ideyanı ámelge asırıwdıń eń kóp múddeti bir jılǵa shekem bolıwı kerek.

«Ilimiy ideya» – ilimiy dálil, mashqala, boljaw, teoriya sıyaqlı haqıyqatlıqtı sáwlelendiriw formalarınan biri bolıp, ilim rawajlanıwınıń hám ilimiy ashılıwlardıń nátiyjesi sıpatında payda bolatuǵın, túrli ilim tarawlarınıń tiykarǵı principleri, ústem qaǵıydaları tiykarında islep shıǵılǵan joybar esaplanadı.

Tańlawda jeńimpaz dep tabılǵan ilimiy ideyalar ushın ajıratılǵan qarjılar tiykarında maket hám (yamasa) prototip jaratıw jáne onıń úlgisin Joqarı bilimlendiriw, ilim hám innovaciyalar ministrliginiń kórgizbeler zalında (show-room) jaylastırıw zárúr.

Arzalar 2026-jıldıń 13-oktyabr kúni saat 23:59 ǵa shekem startup.ilmiy.uz arqalı qabıl etiledi.

Tolıq maǵlıwmat https://startup.ilmiy.uz/competitions/46