Ájiniyaz atındaǵı Nókis mámleketlik pedagogikalıq institutı akademiyalıq liceyiniń fizika páni oqıtıwshısı Gúlchehra Bekniyazova Franciyanıń Parij qalasında ótkerilgen abıroylı «The Best Education Project International» xalıqaralıq tańlawında jeńimpaz boldı.

Ol usı xalıqaralıq tańlawda zamanagóy pedagogikalıq qatnas – fizikanı oqıtıwda real hám virtual laboratoriyalardı birlestiriwge baǵdarlanǵan innovaciyalıq ilimiy maqalası menen qatnasıp, xalıqaralıq ekspertler tárepinen joqarı bahalandı.

Xalıqaralıq tańlaw juwmaǵında Gúlchehra Bekniyazova I dárejeli diplom, Xalıqaralıq ilim, mádeniyat hám kórkem óner akademiyası (IASCA) tárepinen altın medal, sonday-aq, estelik belgisi menen sıylıqlandı.

Akademiyalıq licey oqıtıwshısın xalıqaralıq tańlawdaǵı jetiskenligi menen qutlıqlaymız!

NMPI baspasóz xızmeti.