Usı jıldıń 22-25-sentyabr kúnleri Tashkent qalasındaǵı CAEx kórgizbeler kompleksinde «ICT WEEK Uzbekistan – 2026» xalıqaralıq hápteligi bolıp ótti.

Tórt kún dawam etken ilajǵa texnologiyalıq kompaniyalar, startaplar, investorlar, mámleketlik hám xalıqaralıq shólkemlerdiń wákilleri jáne sanlı industriya ekspertleri jámlendi.

Áhmiyetlisi, 70 ten aslam mámleket wákilleri, 25 mıńnan aslam qatnasıwshı, 2 mıń sırt elli miyman qatnasqan xalıqaralıq háptelikte Ájiniyaz atındaǵı Nókis mámleketlik pedagogikalıq institutı wákilleri de ózleriniń startap hám ilimiy-innovaciyalıq joybarları menen qatnastı.

Háptelik sheńberinde startaplar hám venchur investiciyalar, jasalma intellekt, IT-autsorsing, sanlı transformaciya, fintech, GameDev, sonday-aq, xalıqaralıq texnologiyalıq birge islesiw baǵdarları boyınsha onlaǵan ilajlar shólkemlestirildi.

NMPI baspasóz xızmeti.