Ájiniyaz atındaǵı Nókis mámleketlik pedagogikalıq institutında Jaslar awqamı fakultet jetekshiligi hám baǵdarlardıń koordinatorlıǵına talaban studentler menen sáwbet shólkemlestirildi.

Sáwbetlesiwden gózlengen tiykarǵı maqset student-jaslardıń sociallıq belsendiligi, intakerligi, jetekshilik qábileti hám jámáát penen islesiw kónlikpelerin anıqlaw, sonday-aq, jaslar menen islesiw sistemasına múnásip hám belsendi studentlerdi tartıwdan ibarat boldı.

Sáwbetlesiw dawamında talabanlardıń institut turmısındaǵı qatnası, jaslar menen islesiw baǵdarındaǵı kózqarasları, mashqalalarǵa sheshim tabıw boyınsha usınısları hám hár qıylı joybarlardı ámelge asırıw baǵdarındaǵı baslamaları tıńlandı.

Sonday-aq, talabanlar menen jaslardıń bos waqtın mazmunlı shólkemlestiriw, olardıń sociallıq belsendiligin arttırıw, qábiletli hám intaker studentlerdi qollap-quwatlaw, sport, mádeniyat, kórkem óner hám ilimiy jumısqa keńnen tartıw máseleleri boyınsha pikir almasıldı.

Bul sáwbet jaslar shólkeminiń jumısın jáne de jetilistiriw, fakultet hám baǵdarlarda student-jaslardıń máplerin kórsete alatuǵın belsendi hám intaker jaslardı anıqlaw jáne olardı qollap-quwatlawda áhmiyetli qádem boldı.

NMPI baspasóz xızmeti.