Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidenti Shavkat Mirziyoyevtiń Watanımız ǵárezsizliginiń 35 jıllıǵı múnásibeti menen ótkerilgen saltanatlı ilajdaǵı bayanatınıń mazmun-mánisin keń jámiyetshilikke jetkeriw maqsetinde «Birlesip, ullı tariyx jaratamız» atamasında «Aǵartıwshılıq kárwanı» oqıw seminarı ótkerildi.

Seminarǵa Qaraqalpaqstan Respublikası úgit-násiyatshılar toparınıń aǵzası, institut docenti Sapura Ernazarova hám Tariyx fakulteti milliy ǵárezsizlik ideyası, ruwxıylıq tiykarları hám huqıq tálimi kafedrasınıń aǵa oqıtıwshısı, «Nihol» sıylıǵınıń laureatı, Qaraqalpaqstan Respublikasına xızmet kórsetken artist Dilfuza Bekimbetova shıǵıp sóyledi.

Ilajda institut studentleri de belsene qatnasıp, Prezident bayanatında alǵa qoyılǵan ideyalar hám baslamalar, mámleketimizde ámelge asırılıp atırǵan reformalar, jaslarǵa jaratılıp atırǵan imkaniyatlar, milliy qádiriyatlar hám watan súyiwshilik sezimin joqarılatıw máseleleri boyınsha pikir almastı.

Seminar jaslardıń elimizdiń rawajlanıwına baylanıslılıq sezimin kúsheytiw, olardı iygilikli maqsetler átirapında birlestiriw hám belsendi puqaralıq poziciyasın qáliplestiriwge xızmet etti.

NMPI baspasóz xızmeti.