Ózbekstan Respublikası Prezidentiniń «Muǵallimler hám ustazlar kúni múnásibeti menen tálim-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında»ǵı Pármanı menen:

Ájiniyaz atındaǵı Nókis mámleketlik pedagogikalıq institutı mektepke shekemgi tálim baǵdarınıń dual bilimlendiriw forması 1-kurs studenti, Taqıyatas rayonındaǵı 6-sanlı mektepke shekemgi bilimlendiriw shólkeminiń tárbiyashısı Shukurullaeva Mohinur Baxrom qızı «Kelajak bunyodkori» medalı menen sıylıqlandı.

Maǵlıwmat ushın, Mohinur Shukurullaeva 2026-jılı ótkerilgen «Jıl tárbiyashısı» tańlawınıń respublikalıq basqıshında 1-orındı iyelep, instituttıń mektepke shekemgi tálim baǵdarınıń dual bilimlendiriw formasına mámleketlik grant tiykarında oqıwǵa qabıl etilgen edi.

Bayram qarsańında sıylıqlanǵan studentimiz Mohinur Shukurullaevanı institut rektoratı hám miynet jámááti atınan shın júrekten qutlıqlaymız.

NMPI baspasóz xızmeti.