Mámleketlik komissiyanıń tiyisli protokolına muwapıq, 2026-2027-oqıw jılı ushın qaraqalpaqstanlı jaslarǵa joqarı oqıw orınlarına kiriw ushın qosımsha imkaniyatlar engizildi.

Atap aytqanda, 2026-jıl 2-6-oktyabr kúnleri Qaraqalpaqstan Respublikasında turaqlı jasaytuǵın hám kiriw imtixanlarında 68 ball hám onnan joqarı nátiyje kórsetip, mámleketlik joqarı oqıw orınlarınıń kúndizgi bilimlendiriw formasına tólemli kontrakt tiykarında studentlikke usınıs etilgen jaslar 500 maqsetli qabıllaw parametrleri ushın dizimnen ótedi.

Dizimnen ótiw my.uzbmb.uz saytı arqalı ámelge asırıladı. Bunda abiturientler studentlikke usınıs etilgen joqarı oqıw ornı hám tálim baǵdarı boyınsha tańlawda qatnasadı.

Dizimnen ótken abiturientler ótkerilgen kiriw imtixanları nátiyjesine bola toplaǵan ballarınıń izbe-izligine qatań ámel etken halda maqsetli qabıllaw parametrlerine usınıs etiledi.

NMPI baspasóz xızmeti.