2026-2027-oqıw jılı kiriw imtixanlarınıń nátiyjesine bola, 2-5-baǵdarlardan birine grant yamasa tólemli kontrakt tiykarında oqıwǵa qabıl etilgen abiturientler ushın óz qálewine bola 1-tańlaǵan baǵdarında oqıw imkaniyatı jaratıldı.

Oǵan bola:

– tańlawda qatnasıp, 2-5-bakalavriat tálim baǵdarlarınan birine mámleketlik grant yamasa tólemli kontrakt tiykarında studentlikke usınıs etilgen abiturientlerge ózleriniń qálewine bola ústemligi boyınsha tańlaǵan birinshi tálim baǵdarında differenciyallastırılǵan tólemli kontrakt (super-kontrakt) tiykarında oqıwǵa ruxsat berildi (maqsetli qabıllaw tiykarında usınıs etilgenler buǵan kirmeydi);

– bunda oqıwǵa qabıllaw joqarı oqıw ornınıń rektorı (direktorı) tárepinen belgilenetuǵın differenciyallastırılǵan tólemli kontrakt muǵdarında tólemdi ámelge asırıw shárti menen ámelge asırıladı;

– bul tártip barlıq mámleketlik joqarı oqıw orınlarına, sonıń ishinde, shólkemlestiriwshilik hám finanslıq erkinlik berilgen JOOlarǵa da engiziledi.

NMPI baspasóz xızmeti.