1-oktyabr – Muǵallimler hám ustazlar kúni múnásibeti menen Ájiniyaz atındaǵı Nókis mámleketlik pedagogikalıq institutında futzal boyınsha «Rektor kubogi» jarısı bolıp ótti.

Jarısqa barlıq fakultetlerden er professor-oqıtıwshılar hám bólimlerdiń xızmetkerlerinen dúzilgen komandalar qatnastı.

Oǵada qızǵın hám óz ara doslıq ruwxında ótken jarıs juwmaǵında:

1-orın – Pedagogika-psixologiya hám dóretiwshilik tálim fakulteti;

2-orın – Rektorat komandası;

3-orın – Mektepke shekemgi hám baslawısh tálim fakulteti komandalarına nesip etti.

Jeńimpaz komandaǵa institut sport klubı hám kásiplik awqamı komiteti tárepinen «Rektor kubogi», sonday-aq, sıylı orın iyelerine diplom, medal hám barlıq qatnasıwshılarǵa bayram sawǵaları saltanatlı túrde tapsırıldı.

NMPI baspasóz xızmeti.