Berdaq atındaǵı Qaraqalpaq mámleketlik universitetinde joqarı oqıw orınlarında oqıp atırǵan student-qızlardıń IT tarawındaǵı bilim hám kónlikpelerin kórsetiwi, kreativ pikirlew qábiletin rawajlandırıw, sonday-aq, innovaciyalıq ideyaların júzege shıǵarıw maqsetinde shólkemlestirilgen «IT Queens – Keleshekti jaratıwshı qızlar» tańlawınıń Qaraqalpaqstan Respublikası basqıshı bolıp ótti.

Ulıwma 8 baǵdar boyınsha ótkerilgen tańlawda Ájiniyaz atındaǵı Nókis mámleketlik pedagogikalıq institutınıń student-qızları da belsene qatnasıp, joqarı nátiyjelerge eristi.

Atap aytqanda:

– Programmalıq támiynat baǵdarı boyınsha – Dinara Ómirbaeva 1-orın;

– Mobil qosımshalar baǵdarı boyınsha – Gúlay Qudaybergenova 1-orın;

– Sanlı bilimlendiriw baǵdarı boyınsha – Zulxumor Azilova 1-orındı iyelegen bolsa;

– Kiberqáwipsizlik baǵdarı boyınsha – Ayjan Tájibaeva 2-orın;

– Jasalma intellekt baǵdarı boyınsha – Dilfuza Qalilaeva 3-orın;

– Veb-islenbeler baǵdarı boyınsha – Manzura Abdukarimova 3-orındı iyeledi.

Tańlawda 1-orındı iyelegen studentler respublikalıq basqıshqa jollama aldı.

Jeńimpazlar hám sıylı orın iyelerine diplom jáne sawǵalar tapsırıldı.

NMPI baspasóz xızmeti.