Ministrler Kabinetiniń 2008-jıl 13-oktyabrdegi 226-sanlı qararına muwapıq, Ózbekstan Respublikası Prezidenti hám ataqlı mámleketlik stipendiyalarǵa talabanlar tańlawdıń respublikalıq basqıshında Ózbekstan tariyxı, informaciyalıq texnologiyalar hám shet tilleri pánlerinen arnawlı test sınaqların tapsıradı.

2026-2027-oqıw jılı tańlawları sheńberinde bakalavriat hám magistratura basqıshındaǵı talabanlar ushın test sınaqları Bilim hám mamanlıqlardı bahalaw agentligi tárepinen Qaraqalpaqstan Respublikası, wálayatlar hám Tashkent qalasında shólkemlestiriledi.

Test sınaqlarınıń sánesi: 2026-jıl 10-oktyabr.

Test sınaqları tómendegi pánlerden ótkeriledi:

– Ózbekstan tariyxı;

– Informaciyalıq texnologiyalar;

– Shet tilleri.

Áhmiyetli! Talabanlar 10-oktyabr kúni saat 08:00 den keshikpesten, shaxsın tastıyıqlaytuǵın hújjet – pasport yamasa ID-karta menen test ótkeriletuǵın imaratqa jetip keliwi kerek.

Test sınaqları ótkeriletuǵın mánzil:

Qaraqalpaqstan Respublikası, Nókis qalası «Jańabazar» MPJ, Nókis-Tórtkúl avtomagistralı shossesi 53/2-jay.

Baǵdar: Nókis qubla avtovokzalı.

Geolokaciya: https://yandex.uz/maps/-/CHsVFM4F

Tańlaw nátiyjeleri my.edu.uz elektron sisteması arqalı járiyalanadı.

NMPI baspasóz xızmeti.