Paytaxtımız Nókis qalasında jaylasqan Qaraqalpaq mámleketlik jas tamashagóyler teatrında Qaraqalpaqstan Respublikasındaǵı joqarı oqıw orınları studentleri arasında «Studentler teatr studiyaları» tańlawı bolıp ótti.

Tańlawdıń maqseti – elimizde ámelge asırılıp atırǵan keń kólemli reformalarda jaslardıń belsene qatnasın támiyinlew, joqarı mánawiyatlı, erkin pikirleytuǵın, zamanagóy ilim jetiskenliklerin puqta ózlestirgen hár tárepleme salamat hám bárkamal áwladtı kamalǵa keltiriw, student-jaslardı teatr ónerine muhabbat ruwxında tárbiyalawdan ibarat boldı.

Quwanıshlısı, tańlawda Ájiniyaz atındaǵı Nókis mámleketlik pedagogikalıq institutınıń qábiletli studentlerinen dúzilgen «Nur» komandası «Sen maǵan baxıt tile…» spektakli menen 1-orındı iyeledi hám diplom, sonday-aq, 8 400 000 sum qarjılay sıylıq penen sıylıqlandı.

Institutımızdıń qábiletli jasların qolǵa kirgizgen jetiskenligi menen qutlıqlaymız!

NMPI baspasóz xızmeti.