Poytaxtimiz Nukus shahrida joylashgan Qoraqalpoq davlat yosh tomoshabinlar teatrida Qoraqalpog‘iston Respublikasidagi oliy ta’lim muassasalari talabalari o‘rtasida “Talabalar teatr studiyalari” tanlovi bo‘lib o‘tdi.

Tanlovning maqsadi – mamlakatimizda amalga oshirilayotgan keng ko‘lamli islohotlarda yoshlarning faol ishtirokini ta’minlash, yuksak ma’naviyatli, mustaqil fikrlaydigan, zamonaviy ilm-fan yutuqlarini puxta o‘zlashtirgan har tomonlama sog‘lom va barkamol avlodni voyaga yetkazish, talaba-yoshlarni teatr san’atiga muhabbat ruhida tarbiyalashdan iborat bo‘ldi.

Quvonarlisi, tanlovda Ajiniyoz nomidagi Nukus davlat pedagogika institutining iqtidorli talabalaridan tuzilgan “Nur” jamoasi “Sen menga baxt tila…” spektakli bilan 1-o‘rinni egalladi va diplom, shuningdek, 8 400 000 so‘m pul mukofoti bilan taqdirlandi.

Institutimizning iqtidorli yoshlarini qo‘lga kiritgan yutuqlari bilan tabriklaymiz!

NukusDPI matbuot xizmati.