Ájiniyaz atındaǵı Nókis mámleketlik pedagogikalıq institutında «Mayıplar huqıqları – hár bir mayıplıǵı bolǵan adam hesh qanday sheklewlersiz iye bolıwı zárúr bolǵan huqıq hám erkinlikler esaplanadı» atamasındaǵı dógerek sáwbeti bolıp ótti.

Ilajǵa Ózbekstan mayıplar associaciyası Qaraqalpaqstan Respublikası aymaqlıq bólimi baslıǵı J.Narbaev, Jaslar isleri agentligi Qaraqalpaqstan Respublikalıq basqarması qánigesi A.Qurbaniyazov, Nókis qalası Insan sociallıq xızmetler orayı mayıplıǵı bolǵan adamlar menen islesiwshi sektor baslıǵı B.Hakimov, institutta oqıp atırǵan mayıplıǵı bolǵan studentler qatnastı.

Dógerek sáwbeti dawamında mayıplar huqıqların támiyinlewde mámleketlik uyımlar tárepinen ámelge asırılıp atırǵan jumıslar, jaratılıp atırǵan sharayatlar hám imkaniyatlar keń túrde dodalandı.

Ilaj soraw-juwaplar hám pikir almasıwlar menen dawam etti.

NMPI baspasóz xızmeti.