Ájiniyaz atındaǵı Nókis mámleketlik pedagogikalıq institutında Ózbekstan jaslar awqamı Qaraqalpaqstan Respublikalıq Keńesi hám Qaraqalpaqstan Respublikası Qorǵanıw isleri basqarması menen birgelikte «Basshı hám jaslar» ushırasıwı shólkemlestirildi.

Ushırasıwǵa Qorǵanıw isleri basqarması baslıǵınıń orınbasarı, podpolkovnik U.Tashov, bólim baslıǵı, podpolkovnik X.Ǵoziev, Ózbekstan jaslar awqamı Qaraqalpaqstan Respublikalıq Keńesiniń bólim baslıǵı A.Berdibekov, instituttıń, sonday-aq, basqa da joqarı oqıw orınlarınıń student-jasları qatnastı.

Ilajda sózge shıqqanlar sońǵı jıllarda mámleketimizdiń ǵárezsizligin, tınıshlıǵın, aymaqlıq pútinligin, xalqımızdıń abadanlıǵın qorǵawda ayrıqsha áhmiyetke iye bolǵan qorǵanıw tarawına qaratılǵan itibar, jaratılıp atırǵan imkaniyatlar jáne sharayatlar haqqında maǵlıwmat berdi.

Qatnasıwshılar taraw menen baylanıslı sorawlarına qánigelerden tolıq juwap aldı.

Ushırasıw talantlı studentler hám áskeriy orkestr atqarıwındaǵı «Mártlik qosıqları» festivalı menen dawam etti.

NMPI baspasóz xızmeti.