Berdaq atındaǵı Qaraqalpaq mámleketlik universitetinde joqarı bilimlendiriw shólkemlerinde ruwxıy-aǵartıwshılıq jumısları sistemasın bunnan bılay da jetilistiriw, milliy qádiriyatlar, úrp-ádetler, dástúrlerdi keń úgit-násiyatlawda belsendilik kórsetip atırǵan ruwxıy-aǵartıwshılıq isleri boyınsha juwapker basshılar hám pedagoglardı xoshametlew maqsetinde shólkemlestirilgen «Milliy qádiriyatlar úgit-násiyatshısı» tańlawınıń Qaraqalpaqstan Respublikalıq basqıshı bolıp ótti.

Tańlawǵa respublikamızdaǵı barlıq joqarı oqıw orınlarınan ruwxıy-aǵartıwshılıq isleri boyınsha juwapkerler qatnastı.

Quwanıshlısı, tańlawda Ájiniyaz atındaǵı Nókis mámleketlik pedagogikalıq institutı Filologiya fakulteti dekanınıń jaslar menen islesiw hám ruwxıy-aǵartıwshılıq isleri boyınsha orınbasarı Miyirxan Allaniyazova 1-orındı iyelep, jeńimpaz boldı hám noyabr ayında Tashkent qalasında ótkeriletuǵın respublikalıq basqıshqa jollama aldı.

Jaslar tálim-tárbiyasında kóp jıllardan berli nátiyjeli xızmet etip kiyatırǵan dekan orınbasarı Miyirxan Allaniyazovanı qolǵa kirgizgen tabısları menen qutlıqlaymız!

NMPI baspasóz xızmeti.