Ájiniyaz atındaǵı Nókis mámleketlik pedagogikalıq institutında kurash boyınsha joqarı oqıw orınları student-jasları arasında shólkemlestirilip atırǵan respublikalıq turnirdiń institut basqıshı bolıp ótti.

Jaslar arasında salamat turmıs tárizin úgit-násiyatlaw, olarda mártlik, batırlıq, watanǵa muhabbat, gumanizm ideyaların ózinde jámlegen milliy sportımız esaplanǵan kurashtı keń en jaydırıw maqsetinde ótkerilgen jarısqa barlıq fakultetlerden studentler qatnastı.

Oǵada qızǵın bellesiwlerge bay ótken jarıs -66, -81 hám +100 kilogramm salmaq kategoriyaları boyınsha ótkerildi.

Jarıs juwmaǵında jeńimpazlar hám sıylı orın iyeleri anıqlanıp, institut sport klubı tárepinen medal jáne diplom menen sıylıqlandı.

Jeńimpazlar kelesi basqıshqa jollama aldı.

NMPI baspasóz xızmeti.