Tashkent qalasında joqarı oqıw orınlarında oqıp atırǵan student-qızlardıń IT tarawındaǵı bilim hám kónlikpelerin kórsetiwi, kreativ pikirlew qábiletin rawajlandırıw, sonday-aq, innovaciyalıq ideyaların júzege shıǵarıw maqsetinde shólkemlestirilgen «IT Queens – Keleshekti jaratıwshı qızlar» tańlawınıń respublikalıq final basqıshı bolıp ótti.

Ulıwma 8 baǵdar boyınsha ótkerilgen tańlawda Ájiniyaz atındaǵı Nókis mámleketlik pedagogikalıq institutınıń student-qızları da belsene qatnastı.

Quwanıshlısı, tańlawda «Mobil qosımshalar» baǵdarı boyınsha qatnasqan institutımızdıń Anıq pánler fakulteti studenti Gúlay Qudaybergenova sıylı 2-orındı iyeledi.

Jeńimpazlar hám sıylı orın iyelerine diplom jáne sawǵalar tapsırıldı.

Institutımız studenti Gúlay Qudaybergenova tańlawdıń respublikalıq final basqıshında qolǵa kirgizgen tabısları menen qutlıqlaymız.

NMPI baspasóz xızmeti.