Ózbekstan jaslar isleri agentligi hám Ózbekstan jaslar awqamı Oraylıq Keńesi tárepinen Tashkent wálayatındaǵı Jaslar lagerinde hár jılı dástúriy tárizde ótkeriletuǵın joqarı oqıw orınlarınıń jaslar jetekshileri forumı shólkemlestirildi.

Eki kún dawam etken forum sheńberinde jaslar jetekshileriniń jeke brendin qáliplestiriw, sóylew mádeniyatı, imidj, isenim hám tásirsheń kommunikaciyalıq kónlikpelerin rawajlandırıwǵa baǵdarlanǵan trening hám seminarlar, agentlik hám awqam tárepinen ámelge asırılıp atırǵan joybarlardıń prezentaciyaları ótkerildi.

Forumǵa Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi jetekshisi Erniyaz Qasımov ta belsene qatnastı.

Sonday-aq, ol forum sheńberinde Ózbekstan jaslar isleri agentligi direktorı, senator Alisher Sadullaev hám Ózbekstan jaslar awqamı Oraylıq Keńesi baslıǵı Xayrulla Sattarov penen ótkerilgen ushırasıwda Qaraqalpaqstan Respublikasındaǵı joqarı oqıw orınları qatarında úlgili dep tabılǵan joybarlar, respublikalıq kólemde ámelge asırılıp atırǵan jumıslar, qolǵa kirgizilgen nátiyjeler boyınsha prezentaciya isledi.

Forum juwmaǵında qatnasıwshılarǵa sertifikatlar tapsırıldı.

NMPI baspasóz xızmeti.