Aldın xabar bergenimizdey, Ózbekstan jaslar isleri agentligi hám Ózbekstan jaslar awqamı Oraylıq Keńesi tárepinen Tashkent wálayatındaǵı Jaslar lagerinde hár jılı dástúriy tárizde ótkeriletuǵın joqarı oqıw orınlarınıń jaslar jetekshileri forumı shólkemlestirildi.

Forum sheńberinde Ózbekstan jaslar awqamı tárepinen ámelge asırılıp atırǵan joybarlarda ayrıqsha belsendilik kórsetip kiyatırǵan jaslar jetekshileri xoshametlendi.

Quwanıshlısı, Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi jetekshisi Erniyaz Qasımov «Suwdı birgelikte saqlaymız» joybarı sheńberinde suw resursların saqlaw, onnan aqılǵa uǵras paydalanıw hám suwdı únemlew mádeniyatın keń úgit-násiyatlawda belsendilik kórsetkeni ushın 3-orın menen sıylıqlandı.

Jeńimpazlar hám sıylı orın iyelerine diplom jáne arnawlı statuetkalar tapsırıldı.

NMPI baspasóz xızmeti.