Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov tárepinen studentler turaq jaylarında gúz-qıs máwsimine tayarlıq jaǵdayı hám studentlerdiń jasaw sharayatları jáne qáwipsizligin támiyinlew máseleleri boyınsha úyreniw jumısları alıp barıldı.

Úyreniw barısında tiyisli bólim hám xızmetlerdiń juwapkerleri qatnasıwında studentler turaq jaylarınıń gúz-qıs máwsimine tayarlıǵı, jılıtıw sistemalarınıń jaǵdayı, elektr hám gaz úskenelerinen qáwipsiz paydalanıw, órt qáwipsizligi qaǵıydalarına ámel etiliwi jáne sanitariyalıq-gigienalıq talaplardıń orınlanıwı kózden ótkerildi.

Úyreniw dawamında anıqlanǵan kemshiliklerdi saplastırıw, zárúr profilaktikalıq hám shólkemlestiriw jumısların ámelge asırıw boyınsha juwapkerlerge tiyisli tapsırma jáne usınıslar berildi.

NMPI baspasóz xızmeti.