Dıqqat, daǵaza! NMPIde «Til – millet maqtanıshı» atamasında ǵalabalıq diktant tańlawı bolıp ótedi
21-oktyabr – Ózbek tili bayramı kúni hám ózbek tiline mámleketlik til biyligi berilgeniniń 37 jıllıǵı múnásibeti menen Ájiniyaz atındaǵı Nókis mámleketlik pedagogikalıq institutında Jaslar awqamı baslanǵısh shólkemi hám ózbek tili kafedrası tárepinen student-jaslar arasında «Til – millet maqtanıshı» atamasında ǵalabalıq diktant tańlawı shólkemlestirilmekte.
Tańlawdıń tiykarǵı maqseti – student-jaslardıń mámleketlik tilge bolǵan húrmetin arttırıw, ózbek tiliniń bay imkaniyatların keń úgit-násiyatlaw, sawatlılıq dárejesin jetilistiriw hám milliy qádiriyatlarǵa sadıqlıq sezimin bekkemlewden ibarat.
Tańlaw juwmaǵında 1-, 2-, hám 3-orınlardı iyelegen studentler diplom jáne bahalı sawǵalar menen sıylıqlanadı.
Tańlaw rejesin tómendegi silteme arqalı júklep alıwıńız múmkin.
«Til – millet maqtanıshı» atamasındaǵı ǵalabalıq diktant tańlawınıń REJESI
Ǵalabalıq diktant tańlawı 20-oktyabr kúni saat 14:30 da NMPI bas imaratında bolıp ótedi.
Tańlawda qatnasıw ushın tómendegi silteme arqalı kirip, dizimnen ótiwińizdi soraymız.
Áziz studentler! Sizlerdi ózbek tiline bolǵan mehirińiz, bilimińiz hám sawatlılıǵıńızdı kórsetiwge shaqıramız!
Mámleketlik tildi qádirleyik, onı qásterlep-saqlayıq hám rawajlanıwı ushın óz úlesimizdi qosayıq!