Ájiniyaz atındaǵı Nókis mámleketlik pedagogikalıq institutınıń Anıq pánler, Tábiyiy pánler hám Tariyx fakultetlerinde studentlerdiń ata-anaları qatnasıwında «Ashıq esikler kúni» ilajları shólkemlestirildi.

Ushırasıwlardan gózlengen tiykarǵı maqset ata-analar menen oqıw ornı arasındaǵı birge islesiwdi jáne de bekkemlew, studentlerdiń tálim-tárbiyası, ózlestiriw kórsetkishleri hám olardıń sociallıq belsendiligin arttırıw máselelerinde óz ara pikir hám tájiriybe almasıwdan ibarat.

Ilajlar dawamında ata-analarǵa fakultetlerde jaratılǵan bilimlendiriw sharayatları, oqıw procesiniń shólkemlestiriliwi, studentlerdiń bilim hám kónlikpelerin rawajlandırıw baǵdarında ámelge asırılıp atırǵan jumıslar haqqında maǵlıwmat berildi.

Ashıq pikirlesiw tárizinde ótken ushırasıwlarda ata-analar ózlerin qızıqtırǵan sorawlar menen múrájat etip, usınıs hám pikirlerin bildirdi. Bildirilgen pikirler boyınsha tiyisli túsinikler berilip, orın alıp atırǵan máselelerdi birgelikte sheshiw áhmiyetli ekenligi atap ótildi.