Ájiniyaz atındaǵı Nókis mámleketlik pedagogikalıq institutında student-jaslardıń bos waqtın mazmunlı shólkemlestiriw, olardı denetárbiya hám sportqa keńnen tartıw, salamat turmıs tárizin úgit-násiyatlaw maqsetinde «Bes baslama olimpiadası» sport jarıslarınıń fakultetler aralıq – institut basqıshına start berildi.

Mini futbol boyınsha shólkemlestirilgen jarısta fakultetlerdiń komandaları jeńimpazlıq ushın maydanǵa tústi. Qızıqlı hám joqarı dárejede ótken jarısta qatnasıwshılardıń fizikalıq tayarlıǵı, shaqqanlıǵı, sport sheberligi sınaqtan ótti.

Solay etip, jarıs juwmaǵında:

1-orın – Anıq pánler fakulteti;
2-orın – Tábiyiy pánler fakulteti;
3-orın – Filologiya fakulteti komandalarına nesip etti.

Jeńimpaz komanda jarıstıń kelesi basqıshına jollama aldı. Jarıs jeńimpazları hám sıylı orın iyeleri institut sport klubı tárepinen sıylıqlandı.

Institutta «Bes baslama olimpiadası» sport jarısları dawam etpekte.

NMPI baspasóz xızmeti.