Áziz professor-oqıtıwshılar, qádirli kásiplesler hám studentler!

Sizlerdi 21-oktyabr – Ózbek tili bayramı kúni menen shın kewlimnen qızǵın qutlıqlayman!

Ózbek tili – dúnya tilleri ishindegi eń áyyemgi hám bay tillerdiń biri bolıp, ol hám milliy ózine tánlik, hám mámleketlik ǵárezsizliktiń belgisi, hám ruwxıy qádiriyat bolıp esaplanadı. 1989-jılı 21-oktyabrde ózbek tiline mámleketlik til biyliginiń beriliwi xalqımız tariyxındaǵı áhmiyetli waqıyalardan biri boldı.

Búgin ana tilimizdi qásterlep saqlaw, onıń abıroyın arttırıw, bay imkaniyatların jas áwladqa jetkeriw hár birimizdiń maqtanıshlı wazıypamız bolıp tabıladı. Men isenemen, institutımız jámááti de bul baǵdarda óziniń múnásip úlesin qosıwda dawam etedi.

Usı qutlı bayram múnásibeti menen bársheńizge bekkem densawlıq, shańaraqlıq baxıt, tınıshlıq-paraxatshılıq hám jumıslarıńızda úlken tabıslar tileymen!

Bayramıńız qutlı bolsın!

Alisher Ubbiyev,

Ájiniyaz atındaǵı Nókis mámleketlik pedagogikalıq institutı rektorı.