Yaponiyanıń Aichi prefekturası hám Nagoya qalasında ótkerilip atırǵan V Para Aziya oyınlarında para taekvondo boyınsha -80 kg salmaq kategoriyasında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń 3-kurs studenti Otabek Amatov qola medalın qolǵa kirgizdi.

Ol qola medalı ushın bolıp ótken jekpe-jekte qazaqstanlı qarsılasın 2:0 esabında jeńdi.

Para Aziya oyınlarında joqarı nátiyje kórsetken institutımız studenti Otabek Amatov hám onıń ustazların búgingi jetiskenligi menen qutlıqlaymız!

NMPI baspasóz xızmeti.