Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında 21-oktyabr – Ózbek tili bayramı kúni hám ózbek tiline mámleketlik til biyligi berilgeniniń 37 jıllıǵı múnásibeti menen Jaslar awqamı baslanǵısh shólkemi hám ózbek tili kafedrası tárepinen student-jaslar arasında «Jańa Ózbekstan jasları» súreni tiykarında «Til – millet maqtanıshı» atamasında ǵalabalıq diktant tańlawı shólkemlestirildi.

Tańlaw juwmaqları boyınsha mámleketlik til normalarına juwap beretuǵın eń jaqsı diktant jumısları anıqlanıp, jeńimpazlar hám sıylı orın iyeleri institut rektoratı, Ózbekstan jaslar awqamı Qaraqalpaqstan Respublikalıq Keńesi, Respublikalıq Ruwxıylıq hám aǵartıwshılıq orayı Qaraqalpaqstan Respublikalıq bólimi tárepinen diplom jáne sawǵalar menen sıylıqlandı.

Bul tańlaw jaslar arasında mámleketlik til boyınsha sawatlılıq hám imla mádeniyatın arttırıw, ózbek tiliniń abıroyın bunnan bılay da joqarılatıwda úlken áhmiyetke iye boldı.

NMPI baspasóz xızmeti.