Búgin, 10-noyabr kúni paytaxtımız Nókis qalasında Ózbekstan ziyalıları keńesiniń aymaqlıq májilisi shólkemlestirildi.

Májiliske respublikamızdaǵı ilimpazlar, pedagoglar, dóretiwshiler, mádeniyat hám kórkem óner ǵayratkerleri, jurnalistler hám basqa da taraw ziyalıları qatnastı.

Ilajǵa Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, mámleketimiz basshısınıń tikkeley baslaması menen elimiz tariyxında tuńǵısh márte «Jańa milliy rawajlanıwdıń tayanıshı – Ózbekstan ziyalıları» ideyası tiykarında ótkerilip atırǵan búgingi ilajdıń áhmiyetine toqtaldı.

Atap ótilgenindey, hár qanday jámiyettiń rawajlanıwı, eń dáslep, onıń ruwxıy dárejesi, ilimiy potencialı, intellektuallıq imkaniyatları hám dóretiwshilik qábileti menen belgilenedi.

Ziyalılar bolsa mine usı rawajlanıwdıń háreketlendiriwshi kúshi, jámiyettiń ruwxıy tayanıshı, xalıqtı iygilikli maqsetlerge qaray baǵdarlaytuǵın úlken sociallıq kúsh bolıp esaplanadı.

NMPI baspasóz xızmeti.