«Máripat taratıp» joybarı sheńberinde belgili shayır hám jazıwshılar institutqa keldi

Ájiniyaz atındaǵı Nókis mámleketlik pedagogikalıq institutında Ózbekstan Jazıwshılar awqamı janındaǵı «Balalar hám jas óspirimler ádebiyatı» Keńesiniń baslıǵı, belgili shayır, «Shuhrat» medalınıń iyesi Orif Tuxtashev, Qaraqalpaqstan xalıq jazıwshısı, «Doslıq» ordeni, «Shuhrat» medalınıń iyesi, filologiya ilimleriniń kandidatı, jurnalist hám dilmash Allanazar Abdiev, Ózbekstan Jazıwshılar awqamınıń aǵzası, shayır Muhammadali Ǵafforov qatnasıwında «Máripat taratıp» joybarı shólkemlestirildi.
Ilaj qatnasıwshıların instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov kútip aldı hám instituttıń jańa oqıw imaratında shólkemlestirilgen Ájiniyaz muzeyi menen tanıstırdı.
Miymanlar Ájiniyaz Qosıbay ulınıń 200 jıllıǵı múnásibeti menen shólkemlestirilgen muzeydegi eksponatlarǵa joqarı baha berdi hám muzeydiń estelikler kitabına ózleriniń jaqsı tileklerin jazıp qaldırdı.
NMPI baspasóz xızmeti.