«Máripat taratıp» joybarı milletler aralıq tatıwlıq bayramına ulastı

Ájiniyaz atındaǵı Nókis mámleketlik pedagogikalıq institutında ótkerilip atırǵan «Máripat taratıp» joybarı sheńberinde «Biz – bir shańaraq perzentlerimiz!» atamasındaǵı milletler aralıq tatıwlıq bayramı bolıp ótti.

Bayram ilajında instituttıń «Tumaris» xalıq ansambli, «Sıy perde», «Tarannum», «Baldáwren» ansamblleri aǵzaları, sonday-aq, talantlı studentleri atqarıwındaǵı hár qıylı milletlerdiń milliy qosıqları, ayaq-oyınları miymanlar hám qatnasıwshılar názerine usınıldı.

Joybar miymanları Ózbekstan Jazıwshılar awqamı janındaǵı «Balalar hám jas óspirimler ádebiyatı» Keńesiniń baslıǵı, belgili shayır, «Shuhrat» medalınıń iyesi Orif Tuxtashev, Qaraqalpaqstan xalıq jazıwshısı, «Doslıq» ordeni, «Shuhrat» medalınıń iyesi, filologiya ilimleriniń kandidatı, jurnalist hám dilmash Allanazar Abdiev, Ózbekstan Jazıwshılar awqamınıń aǵzası, shayır Muhammadali Ǵafforov kóp milletli institut studentleri hám jámáátiniń awızbirshiligi hám doslıǵına joqarı baha berdi.

NMPI baspasóz xızmeti.