Akademiyalıq liceylerge hújjet tapsırǵan oqıwshılar hám olardıń ata-anaları dıqqatına!

Kiriw test sınaqları 25-26-iyul kúnleri Bilim hám mamanlıqlardı bahalaw agentligi tárepinen arnawlı belgilengen aymaqlarda eki smenada ótkeriledi.

Test sınaqların ótkeriw waqtı:

– 25-iyul kúni saat 15:00 de;

– 26-iyul kúni 2 smenada ótkeriledi:
1-smena saat 09:00 de;
2-smena saat 15:00 de baslanadı.

Akademiyalıq liceylerge hújjet tapsırǵan oqıwshılar test sınaqlarına kiriw ruxsatnamasın my.edu.uz saytındaǵı jeke kabinetine óziniń login hám paroli menen kirgen halda júklep alıwı múmkin.

Oqıwshılardan test sınaǵı ótkeriletuǵın orınǵa belgilengen waqıttan keminde 1 saat aldın shaxsın tastıyıqlaytuǵın hújjet hám test sınaǵında qatnasıw ushın ruxsatnama menen keliwi soraladı.

Atap ótiw kerek, húkimettiń 320-sanlı qararına muwapıq test kúni imtixan waqtınan keshikken, shaxsın tastıyıqlaytuǵın hújjet hám ruxsatnaması bolmaǵan oqıwshı sınaq ótkeriletuǵın imaratqa kirgizilmeydi.

Sonday-aq, oqıwshı ruxsatnamasında kórsetilgen sáne hám waqıt qatań esaplanıp, oǵan basqa sáne hám waqıtta testke kiriw ushın ruxsat berilmeydi.

Test sınaqları ótkeriletuǵın imaratlar USÍ JERDE.

NMPI baspasóz xızmeti.