Kafedra baslıǵı:	Z.Kurbaniyazova
	[icon name=”envelope-o” class=”” unprefixed_class=””] e-mail:	z3482740@umail.uz
	[icon name=”phone” class=”” unprefixed_class=””] tel.:	(+998) 90-652-22-77
	[icon name=”globe” class=”” unprefixed_class=””] kafedra saytı:

Tálim baǵdarı hám qánigeligi haqqında:

Bakalavriat tálim baǵdarı haqqında:

1-kurs          60110400 – «Baslawısh tálim»

2-3-4-kurs   60110500 – «Baslawısh tálim»

Bakalavriat tálim baǵdarı boyınsha qaraqalpaq, ózbek, rus, qazaq hám túrkmen tillerinde tálim alıp barılmaqta.

Magistratura qánigeligi haqqında:

1-kurs 70110401 – Tálim hám tárbiya teoriyası hám metodikası (baslawısh tálim)

2-kurs 70110501 – Tálim hám tárbiya teoriyası hám metodikası (baslawısh tálim)

Qánigeliklerde oqıw qaraqalpaq, ózbek tillerinde alıp barılmaqta hám baslawısh bilimlendiriw sistemasına ilimiy-pedagog kadrlar tayarlawǵa qaratılǵan isler ámelge asırılmaqta.

Professor-oqıtıwshılar haqqında:

Sonday-aq, búgingi kúnde kafedrada 23 professor-oqıtıwshı bolıp, ­1 pedagogika ilimleri doktorı (DSc) professor, 6 pedagogika ilimleri kandidatı hám pedagogika pánleri filosofiya doktorı (PhD) docent, 2 aǵa oqıtıwshı, 10 assistent oqıtıwshı hám 4 stajyor oqıtıwshı studentler menen magistrantlar arasında tálim-tárbiya jumısların alıp barıw menen bir qatarda kóplegen oqıw-metodikalıq bazanı bekkemlew boyınsha jumıs alıp barmaqta.

Ózbekstan Respublikası Prezidentiniń 2021-jıl 19-maydaǵı Ózbekstan Respublikasına shet tillerin úyreniwdi ǵalaba en jaydırıwdı sapa tárepinen jańa basqıshqa alıp shıǵıw haqqında»ǵı PQ-5117-sanlı qararına muwapıq kafedrada 2 professor-oqıtıwshı shet tilin biliw dárejesi boyınsha B2 hám B1 sertifikatlarına iye.

«BASLAWÍSH TÁLIM» KAFEDRASÍ TARIYXÍ     

 

J.A.Urumbaev	Q.Qosnazarov	A.Najimov	J.Kayırbaev	M.K.Ayimbetov	S.Shinnazarova

     Baslawısh tálim kafedrası dáslep 1966-jılı shólkemlestirilip, oǵan professor J.Orınbaev, A.Najimov, J.Qayirbaev, soń Q.Qosnazarovlar basshılıq qılǵan. Kafedra dáslep «Baslawısh tálim metodikası» kafedrası sıpatında qáliplestirilip, 1990-jılı jańadan shólkemlestirilgen Ájiniyaz atındaǵı Nókis mámleketlik pedagogikalıq institutınıń ashılıwı menen birge dúzildi. 1998-jılı Ózbekstan Respublikası Ministrler Kabineti janındaǵı Joqarı hám orta arnawlı bilimlendiriw mákemelerin attestaciyalaw kommissiyası basqarmasınıń inspektorı Sh.Rayxanovtıń usınısı menen bul kafedranıń atı «Baslawısh tálim teoriyası hám metodikası» kafedrası bolıp ózgertildi. 1998-jılı bul kafedra quramına «Muzıka hám onı oqıtıw metodikası» kafedrası birlestirildi.  Bul eki kafedranıń birlestiriliwi tiykarınan 1998-1999 oqıw jılı ushın tastıyıqlanǵan oqıw rejedegi muzıka sabaqlarınıń qısqarıwına baylanıslı boldı. 2001-jılı bolsa institut Ilimiy keńesiniń qararına muwapıq bul kafedraǵa «Pedagogika» kafedrası birlestirildi. 2001-2008 jılǵa shekem «Baslawısh tálim teoriyası ham metodikası» kafedrasınıń atı «Pedagogika hám baslawısh tálim metodikası» kafedrası sıpatında iskerlik kórsetti. 2008-2015 jıllarǵa shekem bul kafedra «Baslawısh tálim metodikası» ataması menen, al 2015-jıldan búgingi kúnge shekem «Baslawısh tálim» kafedrası sıpatında atalıp kelmekte.

     1990-1992 jıllar aralıǵında kafedranı filologiya ilimleriniń kandidatı, professorı Najimov Ayman, 1992-1998 jıllar aralıǵında kafedranı filologiya ilimleriniń kandidatı, professorı Qayirbaev Jumırbay, 1998-2017 jıllar aralıǵında kafedranı filologiya ilimleriniń doktorı Ayımbetov Maqset Qallievich basqarıp kelgen bolsa, 2017-2019 jıllarda bolsa bul kafedraǵa filologiya ilimleriniń kandidatı, docent Shinnazarova Saodat Jubatxanovna basshılıq etti. Al 2019-jıldan baslap bolsa bul kafedraǵa pedagogika ilimleriniń doktorı, professor Kurbaniyazova Zamira Kalbaevna basshılıq etip kelmekte.

     Baslawısh bilimlendiriw sistemasın rawajlandırıw jolında Qаraqalpaqstan  Respublikasına miyneti sińgen ilim ǵayratkeri, Ózbekstanǵa xızmet kórsetken ilim ǵayratkeri, pedagogika ilimleriniń  kandidatı Q.Qosnazarov, Qaraqalpaqstan Respublikasına miyneti sińgen xalıq bilimlendiriw aǵlası, pedagogika ilimleriniń kandidatı J.Qayırbaev hám metodist ilimpaz, docent Q.Pirniyazovlardıń xızmetlerin ayrıqsha atap ótiw orınlı.

     Filologiya ilimleriniń doktorı M.Q.Ayimbetovtıń basshılıǵı tiykarında kafedra jámááti tárepinen dúzilgen scenariylar boyınsha «Qaraqalpaq film», «Qaraqalpaq folklorı» hám «Úlkemiz ǵáziynesi» atlı hújjetli filmler tayarlanıp, xalqımızǵa usınıs etildi.

Professor-oqıtıwshılardıń ilimiy miynetleri haqqında:

Kafedranıń professor-oqıtıwshıları tárepinen búgingi kúnge shekem 14 sabaqlıq, 23 oqıw qollanba, 10 metodikalıq qollanba hám 6 monografiya baspadan shıqtı.

Kafedranıń professor-oqıtıwshıları tárepinen Respublikamızdaǵı ilimiy jurnallar menen bir qatarda Impakt-faktor, Scopus, Web of Science jurnallarında da ózleriniń ilimiy maqalaları menen qatnasıp kelmekte. Buǵan mısal sıpatında 2024-jıl juwmaǵı boyınsha jámi JAK kóleminde 29 maqala baspadan shıqqan bolıp, sonnan 18 danası shet elde shıqqan, xalıqaralıq konferenciyalarda 17 tezis jarıq kórgen.

Kafedra tárepinen 2019-jıl «Baslawısh tálimdi modernizaciyalaw procesleri: mashqalalar hám sheshimler» atamasındaǵı Respublikalıq ilimiy-teoriyalıq konferenciya;

2020-jıl «Baslawısh tálimdi kompetenciyalıq shólkemlestiriw: teoriya hám ámeliyat»  atamasındaǵı Online xalıqaralıq ilimiy-teoriyalıq konferenciya;

2021-jıl «Tálim-tárbiyanıń sapasın asırıwda ilimiy-innovaciyalıq texnologiyalardı ámeliyatqa engiziw máseleleri» temasındaǵı Online xalıqaralıq ilimiy-teoriyalıq konferenciya;

2022-jıl «Tálim sapasın asırıwda sanlı texnologiyalardı qollaw hám olardı kommerciyalastırıw máseleleri» temasındaǵı onlayn xalıqaralıq ilimiy-teoriyalıq konferenciya;

2023-jıl «Jańa Ózbekstan – Úshinshi Renessans» uranı astında xalıqaralıq bilimlendiriw standartlarına tiykarlanǵan oqıw materialların úzliksiz bilimlendiriw sistemasına keń en jaydırıwdı optimallastırıw” temasında xalıqaralıq ilimiy-teoriyalıq konferenciyalar ótkerildi.

Shet el joqarı oqıw orınları menen birge islesiw haqqında:

     Kafedra jámááti shet ellerdegi reytingi joqarı bolǵan aldınǵı qatardaǵı joqarı oqıw orınları menen de birgelikte is alıp barmaqta. Moskva pedagogikalıq mámleketlik universiteti (MPMU) menen birgelikte is alıp barıp, tálim rus tilinde alıp barılatuǵın akademiyalıq toparlarda qánigelik pánlerden lekciyalar shólkemlestirildi hám magistrantlarǵa ilimiy izertlew jumısları alıp barıldı. Professor Z.K.Kurbaniyazova hám docent G.A.Kallibekova tárepinen MPMU docenti, p.i.k. Salomatina menen birgelikte «Русский мир» fondı arqalı jaratılǵan «Методика преподавания русского языка (грамота)» atlı oqıw qollanbası studentler ushın oǵada áhmiyetke iye boldı. Professor Z.K.Kurbaniyazova Evraziya pedagogikalıq universitetleri assosaciyası tárepinen Yaroslavl qalasında shólkemlestirilgen Forumda qatnasıp taraw qánigeleri menen tájiriybe almastı. Búgingi kúnde kafedra professor-oqıtıwshıları M.Awezov atındaǵı Qubla – Qazaqstan mámleketlik universiteti hám Abay atındaǵı Qazaqstan milliy universitetler menen tıǵız baylanısta bolıp kelmekte. Kafedramız professor-oqıtıwshıları G.A.Kallibekova, A.K.Kadrekova hám T.A.Baynazarovlar Abay atındaǵı Qazaqstan milliy universitetinde lekciyalar oqıǵan bolsa, bul universitettiń professor-oqıtıwshıları Nurjanova Sajila Abdusadikovna, Ermekbaev Muxtar Abenovich hám Astambaeva Jupat Kanapyanovnalar studentlerimiz arasında ZOOM platforması arqalı mazmunlı lekciyaların oqıp kelmekte. 

Kafedradaǵı «Ustaz-shákirt» dástúri haqqında:

2015-2016-jıllar

Muratkamalova Roza Joldasbaevna – «Ájiniyaz» hám «Kamolot» stipendiyaları jeńimpazı.

Qaljanova Almagul Barlıqbaevna – «Ájiniyaz»  stipendiyası jeńimpazı.

2017-2018-jıllar

Abdullaeva Adolat Davronovna – «Ájiniyaz» hám «Nawayı» stipendiyaları jeńimpazı.

2020-2021-jıllar

Tajibaeva Aqmaral Raxmetulla qızı – «Ájiniyaz» hám «Nawayı» stipendiyaları jeńimpazı.

2021-2022-jıllar

Berdibaeva Gulziya Jeńisbaevna – «Ájiniyaz» hám «I.Yusupov» stipendiyaları jeńimpazı.

2022-2023-jıllar

Meretgeldieva Aygul Bekmuratovna – «Ájiniyaz» hám «Tólepbergen Qayıpbergenov» stipendiyaları jeńimpazı.

Yusupova Sevara Dawletiyar qızı – «Ájiniyaz» stipendiyası jeńimpazı.

Shabatova Rabiǵa Janasbay-qızı – «Nawayı» stipendiyası jeńimpazı.

Seytbaeva Gulxumar Baxadır qızı – «Nawayı» stipendiyası jeńimpazları bolıwǵa eristi.

2024-2025–jıllar

Kudyarova Artıqgúl Orınbasar qızı – «Nawayı» atındaǵı mámleketlik stipendiyası jeńimpazı.

Imamova Gúlhasem Turǵanbay qızı – «Islam Kárimov» atındaǵı mámleketlik stipendiyası.

Yuldashova Guzal Kamiljon qızı – «Ibrayım Yusupov» atındaǵı mámleketlik stipendiyası.  

Umirbaeva Ulzada Marat qızı – «Tólepbergen Qayıpbergenov» atındaǵı mámleketlik stipendiyası jeńimpazı bolıwǵa eristi.

Fakultette hám kafedrada salamat ortalıqtı qáliplestiriw, jaslardı ilimge baǵdarlaw, baslawısh tálimniń haqıyqıy pidayısı hám jankúyeri sıpatında bolajaq kadrlardı tayarlaw isleri dawam etpekte.