Fakultet dekanı:	Sh.Saparov
	tel.:	(+998-61) 229-38-57
	e-mail:	pedagogfak-ndpi@inbox.uz
	web sayt:	pedagogika.xaliq.uz

Ájiniyaz atındaǵı Nókis mámleketlik pedagogikalıq institutı qaytadan ashılıwı menen 1990-jılı «Pedagogika» fakul’teti bolıp shólkemlestirildi. Fakul’tetti professor J.Narımbetov basqardı. 1992-1994 jılları professor O.Alewov, 1994-1998 jılları professor O.Dospanov, 1998-2000 jılları docent T.Xalmuratov, 2000-2005 jılları docent Sh.Saparovlar dekan lawazımında basshılıq etti. 2005 jıl sentyabr’ ayınan «Baslawısh tálim metodikası» hám «Mektepke shekemgi tárbiya» fakul’tetleri biriktirilip, «Pedagogika» atı menen ataldı hám fakul’tetke f.i.k. P.Najimov basshılıq etti. 2008-jıl oktyabr’ ayınan baslap fakul’tettiń atı «Mektepke shekemgi tárbiya» fakul’teti bolıp ózgerdi hám fakul’tette p.i.k. Q.Seytmuratov dekan lawazımında isledi. 2010-jıl aprel’ ayındaǵı instituttıń ilmiy keńesiniń qararı menen rektor buyrıǵı tiykarında fakul’tettiń atı «Pedagogika» bolıp ózgertildi hám g.i.k. K.Jaqsımuratov fakul’tet dekanı etip bekitildi. 2013-2016 jılları fakul’tetke docent Z.Klıcheva, 2016-2017 jılları úlken oqıtıwshı M.Allayarovlar basshılıq etti. 2017-jıl yanvar’ ayınan baslap fakul’tetti ps.i.k, docent Sh.Saparov basqarıp kelmekte. Fakul’tet quramında 4 kafedra, yaǵnıy «Muzıkalıq tálim», «Súwretlew óneri hám injenerlik grafikası», «Pedagogika» hám «Psixologiya» kafedraları bolıp, olardan 1 pán doktorı, professor, 15 ilim kandidatları, docentler, 12 úlken oqıtıwshı hám 8 assistent oqıtıwshılar talabalarǵa bilim bermekte. Fakul’tette 3 bakalavr tálim baǵdarları, yaǵnıy «Muzıkalıq tálim», «Súwretlew óneri hám injenerlik grafikası», «Pedagogika hám psixologiya» tálim baǵdarlarında 642 talaba bilim almaqta, olardan 175 mámleketlik grant hám 467 tólew-shartnoma tiykarında. Talabalar hár jılı Respublika hám xalıqarolıq kólemdegi konferenciyalarda, kórik-tańlawlarda, festivallarda hám pán olimpiadalarında belsendi qatnasıp kelmekte. Fakul’tet  quramındaǵı  kafedralar dizimi:

1. Muzıkalıq tálim
2. Súwretlew óneri hám injenerlik grafikası
3. Pedagogika
4. Psixologiya

Tálim baǵdarları :

1. 5111100-«Muzıkalıq tálim»
2. 5110800-«Súwretlew óneri hám injenerlik grafikası»
3. 5110900-«Pedagogika hám psixologiya»

Magistratura qánigelikleri: