Ájiniyaz atındaǵı Nókis mámleketlik pedagogika institutında «Mektepke shekemgi tárbiya hám defektologiya» kafedrası defektologiya boyınsha qánigelik kafedra bolıp, kafedraǵa pedagogika ilimleri kandidatı, docent Bekimbetova Aynagúl Amangeldievna basshılıq etedi. 

 

Дефектология (логопедия) tálim baǵdarında til kemshiliklerin korrekciyalaw boyınsha qánige tayarlap shıǵarıw názerde tutılǵan. Defektolog qánigeler arnawlı mektep internatlar, arnawlı mektepke shekemgi bilimlendiriw shólkemleri, ulıwma bilimlendiriw mekteplerinde, mektepke shekemgi bilimlendiriw shólkemlerinde, balalar «Múriwbet» úyleri, «Mehribanlıq» úylerinde logoped, den-sawlıqtı saqlaw ministrligine qaraslı mákemelerde defektolog, logoped, surdopedagog, oligofreno-pedagog, tiflopedagog qánigeler, mámleketlik emes shólkemlerinde defektolog sıpatında xızmet kórsetedi. 

Házirgi waqıtta «Mektepke shekemgi tárbiya hám defektologiya» kafedrasında tiykarǵı shtatta 12 professor-oqıtıwshılar xızmet kórsetpekte. Olar 5111900-Defektologiya (logopediya) tálim baǵdarında tálim-tárbiya jumısların alıp barmaqta.  Kafedrada 2 docent — Bekimbetova.A,  Nurjanova.R, 9 assistent-oqıtıwshı – Tasbaeva.G,   Salamova.F, Saparov.A, Tajimuratova.K,  Jumabaeva.G,  Erjanova.M, Kurbamuratova.Z, Esnazarova.Z hám 2 stajyor-oqıtıwshı – Karlıbaeva.J, Shakirova.S xızmet etedi. 

Kafedrada ziyrek studentler menen islesiw jumısları alıp barıladı. Sonday-aq «Jas defektolog» dógeregi jumıs isleydi. Logopediya pán kabinetinde logopediyalıq shınıǵıwlar ótkeriw ushın qolaylı ásbap úskenelerden paydalanıp sabaqtan soń shınıǵıwlar menen bánt boladı. Hárqıylı logopediyalıq seminar-treningler shólkemlestirilip barıladı.  Bunday ilajlar studentlerdiń bilimlerin ameliy kónlikpege aylandırıwda júda áhmiyetli, básekige shıdamlı qánige tayarlawda  júda zárúr. Ziyrek talabalarımız televidenie arqalı rubrika tayarlap shınıǵıwlar ótkerip, ata-analarǵa óz másláhátlerin berdi.

 

Sonday-aq Mektepke shekemgi tárbiya hám defektologiya kafedrası oqıtıwshılar birge islesiw shártnaması tiykarında Qaraqalpaqstan Respublikasındaǵı arnawlı mektepke shekemgi tárbiya shólkemleri, mektep-internatlarda ameliyat óteydi.

2021- jıl 20-21-may kúnleri kafedramızda kafedra baslıǵı hám professor-oqıtıwshılar basshılıǵında “Maktabgacha ta’lim: tajribalar, muammolar va rivojlanish istiqbollari” temasında xalıqaralıq ilimiy-ámeliy konferenciya ótkerildi.

  

Sol qatarda 2019-jıl Franciyanıń INSHEA universiteti menen shártnama dúzildi.2021-jılı Kuban pedagogika universiteti menen 2+2 baǵdarlaması boyınsha baǵdarlamaǵa qol qoyıldı.

Mektepke shekemgi tárbiya hám defektologiya kafedrasınıń shet el joqarı oqıw orınları menen alıp baratuǵın is rejesine muwapıq Kuban mámleketlik universiteti docenti, p.i.k., Solenova Regina Ilinishna menen Zoom platforması arqalı “Tаlim transformaciyasınıń zamanagóy shárayatında joqarı mektep oqıtıwshısı kásiplik iskerliginiń ayrıqsha qásiyetleri” atlı seminar trening ótkerildi.

 

 

Kafedra baslıǵı A.Bekimbetova Нокис rayonında “Jańa Ózbekstan-jańasha kóz-qaras” atamasındaǵi úgit-násiyat jumıslarına belsendi qatnastı. Óz bayanatlarında Prezidentimiz baslaması menen mámleketimizde búgingi kúndegi jańalanıwlar, ilim-pán tarawındaǵı jetiskenlikler, jaslarımız hám xalqımız ushın jaratılıp atırǵan shárt-shárayatlar, iri qurılıs jumısları, hár bir tarawǵa qaratılıp atırǵan itibarlarǵa toqtalıp ótti.