Búgin, 30-oktyabr kúni Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Ministrler Keńesi Baslıǵınıń Jámiyetlik hám diniy shólkemler menen baylanıslar boyınsha orınbasarı Rustam Saparbaev studentler jaslar menen sáwbetlesiw ótkerdi.

Ilajdı instituttıń ilimiy isler hám innovaciyalar boyınsha prorektorı M.Jalelov ashıp berdi.

Sáwbetlesiw barısında elimizde jaslarǵa baylanıslı mámleketlik siyasattıń búgingi baǵdarları, sońǵı jıllarda jaslardıń bilim alıwı, kásip-óner úyreniwi, isbilermenlik penen shuǵıllanıwı ushın jaratılıp atırǵan sharayatlar, tarawda ámelge asırılıp atırǵan reformalardıń mazmunı jáne áhmiyeti haqqında maǵlıwmatlar berildi.

Bunda ásirese, jaslardıń bilim alıw ushın kóbirek ózleriniń imkaniyatları jáne qábiletlerin arttırıwǵa xızmet etetuǵın kitaplardı oqıp barıw, isbilermenlik kónlikpelerin qáliplestiriw, ózleriniń xobbiların qosımsha dáramat dáregine aylandırıw kúnniń áhmiyetli máselelerine aylanǵanı atap ótildi.

Sonday-aq, studentlerdiń bos waqıtların mazmunlı ótkeriw boyınsha óz pikir-usınısların bildirdi.

Sáwbetlesiw óz ara soraw-juwaplar, pikir almasıwlar menen dawam etti.

NMPI baspasóz xızmeti.