Ájiniyaz atındaǵı Nókis mámleketlik pedagogikalıq institutında 2022-jıldıń juwmaqlarına baǵıshlanǵan bir qatar ilajlar, jıl dawamında nátiyjeli jumıs islegen jámááti wákillerin sıylıqlaw máresimleri dawam etpekte.

Búgin, 23-dekabr kúni ótkerilgen sıylıqlaw ilajında jıl dawamında ilimiy-pedagogikalıq jumıslarda joqarı nátiyjelerge erisken, sonday-aq, óz xızmet wazıypaların shın kewilden atqarıp kiyatırǵan bir topar fakultet dekanları, dekan orınbasarları, bólimler hám kafedralardıń baslıqları, professor-oqıtıwshılar, sonıń menen birge, texnik xızmetkerlerge institut kásiplik awqamı komiteti tárepinen tayarlanǵan bayram sawǵaları tapsırıldı.

Ilajda institut rektorı Bayrambay Otemuratov sózge shıǵıp, bársheni esik qaǵıp turǵan jańa 2023-jıl menen qızǵın qutlıqlap, jumıslarında tabıslar tiledi.

Óz gezeginde, sıylıqlanǵanlar da sózge shıǵıp, bayram qarsańında kórsetilip atırǵan itibar hám ǵamqorlıqlar ushın minnetdarshılıq bildirdi.

NMPI baspasóz xızmeti.