Búgin, 15-mart kúni Ózbekstan Respublikası Joqarı bilimlendiriw, ilim hám innovaciyalar ministrliginiń Jizzaq qalasında ótkerilip atırǵan Kollegiallıq jıynalısı sheńberinde respublikamızdaǵı barlıq joqarı oqıw orınlarında «Jasıl mákan» ulıwma milliy joybarına start berildi.

Ilajǵa Joqarı bilimlendiriw, ilim hám innovaciyalar ministri Qońıratbay Sharipov basshılıǵındaǵı ministrliktiń juwapkerleri, aymaqlıq basqarmalar hám joqarı oqıw orınlarınıń basshıları, sonday-aq, respublikamızdıń barlıq aymaqlarındaǵı studiyalar arqalı joqarı oqıw orınlarınıń jámáátleri onlayn tárizde qatnastı.

Ájiniyaz atındaǵı Nókis mámleketlik pedagogikalıq institutı jámááti hám belsendi student-jasları usı ekologiyalıq marafonda belsene qatnasıp, institut baǵına terek nállerin otırǵızdı hám olarǵa suw quydı.

Instituttıń talantlı studentleri yoshlı qosıqlardı atqarıp, marafon qatnasıwshılarına xosh keypiyat inám etti.

Institutta «Jasıl mákan» akciyası sheńberinde abadanlastırıw hám kóklemzarlastırıw jumısları dawam etpekte.

NMPI baspasóz xızmeti.