Búgin, 20-mart kúni paytaxtımız Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrı janında hám «Doslıq» kanalınıń boyında «Qádiriyatlarıń máńgi bolsın, Nawrız!» atamasındaǵı ulıwma xalıqlıq Nawrız seyili hám teatrlastırılǵan ádebiy-muzıkalı xoreografiyalıq bayram tamashaları bolıp ótti.

Bayram seyilinde Ájiniyaz atındaǵı Nókis mámleketlik pedagogikalıq institutı jámááti hám student-jasları da belsene qatnastı.

«Doslıq» kanalı boyında qaraúy tigilip, átirapında kórgizbeler shólkemlestirildi hám túrli milletlerdiń milliy qosıqları, ayaq-oyınları atqarıldı.

Fotosúwretler avtorı: Islam Matekov,
NMPI baspasóz xatkeri.